Pangarap ni Maja na ma-promote sa kanyang pinapasukang trabaho. At alam niyang malaki ang maitutulong sa career niya ng higanteng kompanya, ang Gibraltar Enterprises, Inc.
Ngunit nabulilyaso iyon nang sapilitan siyang ipakasal ng kanyang ama kay Tyler Abelarde—ang anak ni Jefferson Abelarde na pinalabas niyang nagsamantala sa kanya upang makaiwas sa isang lalaking hindi niya mahal.
Napagkasunduan nila ni Tyler na hanggang sa papel lamang ang kanilang pagiging mag-asawa. Ngunit bakit nagseselos siya sa dating girlfriend nito? Bakit nang minsan siyang halikan nito ay halos manlambot ang kanyang mga tuhod? At lalong bakit handa siyang masangkot sa gulong kabuntot ng pagkatao ng isang Tyler Abelarde?
