"Depende sa nagdadala."
Iyan ang madalas sabihin kapag pinag-uusapan ang pananamit.
Dahil magkakaiba ang hitsura ng tao, hugis ng katawan, at maging ang hilig o gusto ng tumitingin at mismong nagsusuot nito, mahirap malaman kung ano ang bagay talaga at kung ano ang hindi.
Ano-ano ang dapat na magkasama? Sino nga ba ang makakapagsabi kung alin ang tama at mali? Kung sa palagay mo ay sakto na para sa'yo at komportable ka na, kailangan bang magpadikta sa sasabihin ng iba?